Рөстәм Миңнеханов спортчы Гёкдениз Карадениз белән очрашты

2020 елның 26 феврале, чәршәмбе

Бүген Татарстан Республикасы Президенты Рөстәм Миңнеханов спортчы Гёкдениз Карадениз белән очрашты.

Очрашуда спортны популярлаштыру, сәламәт яшәү рәвеше, балалар спортына ярдәм өлкәсендә хезмәттәшлек мәсьәләләре һәм башка актуаль темалар турында фикер алыштылар.

Очрашу барышында Гёкдениз Карадениз 61 номерлы спорт майкасына автографын куйды һәм аны Рөстәм Миңнехановка бирде. Үз чиратында Татарстан Президенты майканы сувенир итеп Казанның 4 нче мәктәбенә тапшырырга тәкъдим итте.

Гёкдениз Карадениз – «Трабзонспор» (Төркия) һәм «Рубин» (Казан) клублары составында уйнаган төрек футболчысы.

Футболчы «Рубин» ФК өчен 2008 елдан 2018 елга кадәр уйнаган.